കേന്ദ്ര സർക്കാർ സ്റ്റനോഗ്രാഫർ തസ്തികയിലേക്ക് 2006 ഒഴിവുകൾ. സ്റ്റാഫ് സെലക്ഷൻ കമ്മീഷൻ (SSC) പുറത്തിറക്കിയ വിജ്ഞാപനം അനുസരിച്ച്, പ്ലസ് ടു യോഗ്യതയുള്ള ഉദ്യോഗാർത്ഥികൾക്ക് അപേക്ഷിക്കാം. കേന്ദ്ര സർക്കാരിന്റെ വിവിധ വകുപ്പുകളിലേക്കാണ് നിയമനം. സ്റ്റനോഗ്രാഫർ ഗ്രേഡ് 'സി' യും 'ഡി' യും തസ്തികകളിലേക്കാണ് തിരഞ്ഞെടുപ്പ്. 2024 ജൂലൈ 26 മുതൽ 2024 ഓഗസ്റ്റ് 17 വരെയാണ് ഓൺലൈൻ അപേക്ഷ സമർപ്പിക്കാനുള്ള സമയം. ഈ സുവർണ്ണാവസരം പരമാവധി പ്രയോജനപ്പെടുത്താൻ താൽപര്യമുള്ള ഉദ്യോഗാർത്ഥികൾ വിശദമായ വിജ്ഞാപനം വായിച്ച് മനസ്സിലാക്കി അപേക്ഷ സമർപ്പിക്കുക.
ഒഴിവുകളുടെ വിവരങ്ങൾ: സ്റ്റനോഗ്രാഫർ ഗ്രേഡ് 'സി' യും 'ഡി' യും തസ്തികകളിലായി ആകെ 2006 ഒഴിവുകളാണുള്ളത്. ഇന്ത്യയിലെ വിവിധ സംസ്ഥാനങ്ങളിലെ കേന്ദ്ര സർക്കാർ ഓഫീസുകളിലേക്കാണ് നിയമനം.
ശമ്പള വിവരങ്ങൾ: തിരഞ്ഞെടുക്കപ്പെടുന്ന ഉദ്യോഗാർത്ഥികൾക്ക് 35,000 മുതൽ 85,000 രൂപ വരെയാണ് പ്രതിമാസ ശമ്പളം. കേന്ദ്ര സർക്കാർ ജീവനക്കാർക്കുള്ള മറ്റ് ആനുകൂല്യങ്ങളും ലഭിക്കും. ഇത് ഒരു സ്ഥിരം നിയമനമാണ്.
പ്രായപരിധി: സ്റ്റനോഗ്രാഫർ ഗ്രേഡ് 'സി' ക്ക് 18 മുതൽ 30 വയസ്സ് വരെയും, ഗ്രേഡ് 'ഡി' ക്ക് 18 മുതൽ 27 വയസ്സ് വരെയുമാണ് പ്രായപരിധി (01.08.2024 അടിസ്ഥാനമാക്കി). SC/ST/OBC/PWD തുടങ്ങിയ വിഭാഗങ്ങൾക്ക് നിയമാനുസൃതമായ വയസ്സിളവ് ലഭിക്കും.
വിദ്യാഭ്യാസ യോഗ്യത: പ്ലസ് ടു അഥവാ തത്തുല്യ യോഗ്യതയാണ് ഈ തസ്തികയ്ക്ക് ആവശ്യമായ മിനിമം വിദ്യാഭ്യാസ യോഗ്യത. കൂടുതൽ യോഗ്യതകൾക്ക് ഔദ്യോഗിക വിജ്ഞാപനം പരിശോധിക്കുക.
| തസ്തികയുടെ പേര് | വിദ്യാഭ്യാസ യോഗ്യത |
|---|---|
| Stenographer Grade ‘C’ & ‘D’ | 12th standard Pass |
അപേക്ഷാ ഫീസ്: ജനറൽ/OBC/EWS വിഭാഗങ്ങൾക്ക് 100 രൂപയാണ് അപേക്ഷാ ഫീസ്. SC/ST/PWD വിഭാഗക്കാർക്കും വനിതകൾക്കും അപേക്ഷാ ഫീസ് ഇല്ല. ഫീസ് ഓൺലൈനായി അടയ്ക്കാം.
അപേക്ഷ സമർപ്പിക്കുന്ന വിധം: താൽപര്യമുള്ള ഉദ്യോഗാർത്ഥികൾ SSC-യുടെ ഔദ്യോഗിക വെബ്സൈറ്റ് (https://ssc.gov.in/) സന്ദർശിച്ച് ഓൺലൈനായി അപേക്ഷ സമർപ്പിക്കണം. ആദ്യം റിക്രൂട്ട്മെന്റ് ലിങ്ക് തിരഞ്ഞെടുത്ത്, അക്കൗണ്ട് സൃഷ്ടിച്ച്, അപേക്ഷാ ഫോം പൂരിപ്പിച്ച്, ഫീസ് അടച്ച് സബ്മിറ്റ് ചെയ്യുക. അപേക്ഷയുടെ പ്രിന്റൗട്ട് എടുത്ത് സൂക്ഷിക്കാൻ മറക്കരുത്.