കേരള സംസ്ഥാന സഹകരണ കാർഷിക ഗ്രാമ വികസന ബാങ്ക് ലിമിറ്റഡിൽ (KSCARD Bank) അസിസ്റ്റൻ്റ് തസ്തികയിലേക്ക് കേരള പി.എസ്.സി അപേക്ഷ ക്ഷണിച്ചു. ബിരുദവും കോ-ഓപ്പറേഷൻ യോഗ്യതയുമുള്ളവർക്കാണ് അവസരം. പ്രതീക്ഷിത ഒഴിവുകളിലേക്കാണ് നിയമനം. താൽപര്യമുള്ളവർക്ക് 2025 നവംബർ 19 വരെ ഓൺലൈൻ വഴി അപേക്ഷിക്കാം.
വിജ്ഞാപന വിവരങ്ങൾ
| സ്ഥാപനത്തിൻ്റെ പേര്: |
കേരള സംസ്ഥാന സഹകരണ കാർഷിക ഗ്രാമ വികസന ബാങ്ക് ലിമിറ്റഡ് (KSCARD Bank Ltd.) |
| തൊഴിൽ വിഭാഗം: |
കേരള സർക്കാർ (സഹകരണ ബാങ്ക്) |
| റിക്രൂട്ട്മെന്റ് തരം: |
നേരിട്ടുള്ള നിയമനം (ജനറൽ വിഭാഗം & സൊസൈറ്റി വിഭാഗം) |
| തസ്തികയുടെ പേര്: |
അസിസ്റ്റൻ്റ് |
| ആകെ ഒഴിവുകൾ: |
പ്രതീക്ഷിത ഒഴിവുകൾ (Anticipated Vacancies) |
| ജോലി സ്ഥലം: |
സംസ്ഥാനതല അടിസ്ഥാനത്തിൽ (State-wide) |
| ശമ്പളം: |
₹16,580 - 55,005/- |
| അപേക്ഷിക്കേണ്ട വിധം: |
ഓൺലൈൻ (ഒറ്റത്തവണ രജിസ്ട്രേഷൻ വഴി) |
| അപേക്ഷ സമർപ്പിക്കേണ്ട അവസാന തീയതി: |
19.11.2025 ബുധനാഴ്ച അർദ്ധരാത്രി 12.00 മണി വരെ |
ഒഴിവുകളുടെ വിശദാംശങ്ങൾ
| തസ്തികയുടെ പേര് |
ഒഴിവുകളുടെ എണ്ണം |
| അസിസ്റ്റൻ്റ് (ജനറൽ വിഭാഗം - കാറ്റഗറി 380/2025) |
പ്രതീക്ഷിത ഒഴിവുകൾ |
| അസിസ്റ്റൻ്റ് (സൊസൈറ്റി വിഭാഗം - കാറ്റഗറി 381/2025) |
പ്രതീക്ഷിത ഒഴിവുകൾ |
| ശ്രദ്ധിക്കുക: കേരള സംസ്ഥാന സഹകരണ കാർഷിക ഗ്രാമ വികസന ബാങ്കിൽ റിപ്പോർട്ട് ചെയ്യുന്ന ഒഴിവുകൾ 1:1 എന്ന അനുപാതത്തിൽ ജനറൽ വിഭാഗത്തിനും സൊസൈറ്റി വിഭാഗത്തിനും വീതിച്ചാണ് നികത്തുന്നത്. |
പ്രായപരിധി
- ജനറൽ വിഭാഗം (കാറ്റഗറി 380/2025): 18 - 40 വയസ്സ്. (02/01/1985-നും 01/01/2007-നും ഇടയിൽ ജനിച്ചവരായിരിക്കണം).
- സൊസൈറ്റി വിഭാഗം (കാറ്റഗറി 381/2025): 18 - 50 വയസ്സ്. (02/01/1975-നും 01/01/2007-നും ഇടയിൽ ജനിച്ചവരായിരിക്കണം).
- പട്ടികജാതി/പട്ടികവർഗ്ഗ (SC/ST), മറ്റു പിന്നോക്ക വിഭാഗക്കാർക്ക് (OBC) നിയമാനുസൃതമായ വയസ്സിളവ് ലഭിക്കുന്നതാണ്.
- താൽക്കാലിക ജീവനക്കാർക്ക് ഉയർന്ന പ്രായപരിധിയിൽ പരമാവധി അഞ്ച് വർഷം വരെ ഇളവ് ലഭിക്കും. യാതൊരു കാരണവശാലും ഉയർന്ന പ്രായപരിധി 50 വയസ്സ് കവിയാൻ പാടില്ല.
ശമ്പള വിവരങ്ങൾ
| തസ്തികയുടെ പേര് |
Pay Scale / Initial Basic Pay |
| അസിസ്റ്റൻ്റ് |
₹16,580 - 55,005/- |
യോഗ്യതാ മാനദണ്ഡങ്ങൾ
| തസ്തികയുടെ പേര് |
വിദ്യാഭ്യാസ യോഗ്യത & പ്രവൃത്തിപരിചയം |
| അസിസ്റ്റൻ്റ് (ജനറൽ & സൊസൈറ്റി വിഭാഗം) |
- ഒരു അംഗീകൃത സർവകലാശാലയിൽ നിന്നും നേടിയ ബിരുദവും (Graduation), JDC/HDC-യും. അല്ലെങ്കിൽ
- കോ-ഓപ്പറേഷനോടു കൂടിയ ബി.കോം ബിരുദം. അല്ലെങ്കിൽ
- കേരള കാർഷിക സർവ്വകലാശാലയിൽ നിന്നും B.Sc (കോ-ഓപ്പറേഷൻ & ബാങ്കിങ്ങ്) നേടിയ ബിരുദം.
|
സൊസൈറ്റി വിഭാഗത്തിന് (Part II) അധികമായി വേണ്ട യോഗ്യത:
- KSCARD ബാങ്കിൽ അഫിലിയേറ്റ് ചെയ്തിട്ടുള്ള മെമ്പർ സൊസൈറ്റികളിൽ ഏതെങ്കിലും തസ്തികയിൽ 3 വർഷത്തെ റഗുലർ സർവ്വീസ് ഉണ്ടായിരിക്കണം.
- അപേക്ഷാ തീയതിയിലും നിയമന തീയതിയിലും മെമ്പർ സൊസൈറ്റി സർവ്വീസിൽ തുടരുന്നവരായിരിക്കണം.
- സർവ്വീസ് സർട്ടിഫിക്കറ്റ് അപേക്ഷ സമർപ്പിക്കുന്ന സമയത്ത് പ്രൊഫൈലിൽ അപ്‌ലോഡ് ചെയ്യണം.
|
അപേക്ഷാ ഫീസ്
- ഈ തസ്തികയിലേക്ക് അപേക്ഷാഫീസ് നൽകേണ്ടതില്ല.
സെലക്ഷൻ പ്രക്രിയ
- യോഗ്യരായ ഉദ്യോഗാർത്ഥികളെ ഉൾപ്പെടുത്തി കമ്മീഷൻ പ്രസിദ്ധീകരിക്കുന്ന റാങ്ക് പട്ടികയിൽ നിന്നാണ് നിയമന ശിപാർശ നൽകുന്നത്.
- ഈ വിജ്ഞാപനപ്രകാരമുള്ള തിരഞ്ഞെടുപ്പ് സംസ്ഥാനതലത്തിൽ നടത്തുന്നതാണ്.
- ആകെ റിപ്പോർട്ട് ചെയ്യുന്ന ഒഴിവുകളിൽ 4% ഒഴിവുകൾ ഭിന്നശേഷി വിഭാഗം ഉദ്യോഗാർത്ഥികൾക്കായി സംവരണം ചെയ്തിരിക്കുന്നു.
- തെരഞ്ഞെടുപ്പുമായി ബന്ധപ്പെട്ട് എഴുത്ത്/ഒ.എം.ആർ/ഓൺലൈൻ പരീക്ഷ നടത്തുകയാണെങ്കിൽ, പരീക്ഷ എഴുതുമെന്ന സ്ഥിരീകരണം (Confirmation) പ്രൊഫൈൽ വഴി നൽകണം.
- സ്ഥിരീകരണം നൽകാത്തവരുടെ അപേക്ഷകൾ നിരുപാധികം നിരസിക്കുന്നതാണ്.
എങ്ങനെ അപേക്ഷിക്കാം?
- കേരള പബ്ലിക് സർവ്വീസ് കമ്മീഷൻ്റെ ഔദ്യോഗിക വെബ്സൈറ്റായ www.keralapsc.gov.in വഴി 'ഒറ്റത്തവണ രജിസ്ട്രേഷൻ' പ്രകാരം രജിസ്റ്റർ ചെയ്യുക.
- നിലവിൽ രജിസ്ട്രേഷൻ ഉള്ളവർ User ID-യും Password-ഉം ഉപയോഗിച്ച് ലോഗിൻ ചെയ്ത ശേഷം സ്വന്തം പ്രൊഫൈലിലൂടെ അപേക്ഷിക്കുക.
- അപേക്ഷിക്കുന്ന തസ്തികയുടെ കാറ്റഗറി നമ്പർ (380/2025 അല്ലെങ്കിൽ 381/2025) പരിശോധിച്ച്, പ്രസ്തുത തസ്തികയോടൊപ്പം കാണുന്ന 'Apply Now' എന്ന ലിങ്കിൽ ക്ലിക്ക് ചെയ്യുക.
- സൊസൈറ്റി വിഭാഗത്തിൽ (കാറ്റഗറി 381/2025) അപേക്ഷിക്കുന്നവർ സഹകരണ വകുപ്പിലെ അസിസ്റ്റൻ്റ് രജിസ്ട്രാർ (ജനറൽ) നൽകുന്ന സർവ്വീസ് സർട്ടിഫിക്കറ്റ് അപേക്ഷ സമർപ്പിക്കുന്ന സമയത്ത് തന്നെ പ്രൊഫൈലിൽ അപ്‌ലോഡ് ചെയ്യേണ്ടതാണ്.
- അപേക്ഷ സമർപ്പണത്തിനുശേഷം മാറ്റം വരുത്തുവാനോ ഒഴിവാക്കാനോ കഴിയുകയില്ല. ഭാവിയിലെ ആവശ്യങ്ങൾക്കായി അപേക്ഷയുടെ പ്രിൻ്റൗട്ട് എടുത്ത് സൂക്ഷിക്കുക.
- അപേക്ഷകൾ സ്വീകരിക്കുന്ന അവസാന തീയതി 19.11.2025 ആണ്.
തൊഴിൽ വാർത്തകൾ ഏറ്റവും വേഗത്തിൽ അറിയുവാൻ ജോയിൻ ചെയ്യൂ
.webp "KSCARDB Recruitment 2025")